تفريغ منتهي الصلاحية لتراكمات انثوية سوية

.

الوقت : صبـآح الجمعـة


التاريخ : 11 يونيو


حكمـة اليوم : عندما تفكر في وضع صورة آو صوت آو فيديو في النت .. فكر جيداً قبلها في المتلقي ..
فإن ماترآه عادياً آنت قد يرآه غيرك سيئـاً آو يخالف الذوق العام
آو حتى إباحياً "



**




" إن آكبر سبب في تخلف المرأة السعودية والعربية بشكل عـآم
هو : المرأة نفسهـآ "

تأمل هذه الجملة جيداً .. تأملها مرتن آخرى ..
ما تحس ان اللي كاتبها عاصر مخه .. وعنده من الخبرة والحكمـة والحنكة والجمال والأنــوثــة ما الله به عليـم

آحس أن " المرأة " آكثر اسم مستهلك في إعلامنا..
القريب والبعيد .. المتعلم والجاهل .. العربي والغربي .. شيخ الدين وشيخ الويسكي يفتووون في حياتها !!

ذبحوونــآ وربي .. آغلب المقالات اذا ماكانت تتكلم عن الآرهاب تتكلم عن حقوق الحريم .. عن الرياضة في المدارس .. عن السوآقة " بمناسبة السواقة آكثر حرمـة آحس انها بتموت عالسواقة في السعودية هي " مرت فؤاد " قريت لها مقال تقول فيه انها قامت الصبح تبي " خبز " مالقت وماتبي تزعج فؤاد فالمفروض نسوق عشان نجيب خبز

ما قلتلكم آن الحريم هم السبب في حالتهم ..


صرنــآ ملطشــة .. وصار اللي يسوى واللي مايسوى يقولنـآ حرام وحلال .. هذا عيب وهذا صح .. والحريم مالهم الا قولة سمعنـآ وآطعنـآ :(

آطرف مآ قرأت عن حالة التحطيم اللي وصلنا لها وحدة تقول :
مافي حل غير انكم تسوون سعودية للرجال وسعودية للحريم

طبعــاً آنا لا آدعو الى التمرد والعصيان وكسر القواعد وتصيرين ضايعة محد يحكمك .. بس ربي عطــآكِ زي ما عطى الرجال .. عقل تميزين فيه .. لا حسيتي آنك ممنوعـة من شي لمجرد المنع .. لكِ الحق تذبحين نفسك عشان تآخذينه ..

فيه آشياء آشوف وآسمع وآقرأ نقاشات كثيرة فيها .. وآختلافات .. وسب وشتم .. وتكفير آحياناً ..
يعني مثلاً تغطية الوجـه للمرأة ياكثر ماصار نقاش فيها ..
ويصير ومايصير .. حلال وحرام .. عيب ومو عيب ....الخ

آنتِ وش رآيك ..!! وش آحسـآسكــ ..!! هذا الآهم ..
آستفتِ قلبك ..





الآميرة الجوهـرة آل سعــود ..



العــآلمة حيــآة سندي بنت مكة المكرمـة ..


وش الفــرق .. !! ولا بلاشِ خلينا نقول وش وجه الشبـه ..!!
كل وحدة فيهم ناجحـة في المكان اللي هي فيــه ..
كل وحدة فيهم خدمت مجتمعها بالطريقة اللي تريحها وتشوفها صح .. ما قد سمعنا مرة حياة سندي تقول ياربي ماني قادرة آعيش حياتي وآحقق طموحي عشان ماني قادرة آســــــوووق ..!!


آخيراً :


آحس اني جبت العيد وماقلت جملتين جنب بعض راكبين على بعض .. من الحنق والغضب والحقد وقليل من الآنفعــآل اللي فيني

اللي بوصله من تفريغ " كمية الشحنات السالبـة " اللي فوق ..
نعم نحن في مجتمع ذكوري بحت ..ومو بس ذكوري لا والرجل فيه يعاني من فوبيا تقدم المرأة عليه .. ويحرمها من حقوقهـآ.. وكأنها خُلقت عليه لا منـــه ..
لكن هذا لا يمنعكن من آثبات آنفسكن .. غصباً عليه ورغمـاً عن آنف آنفـه .. تخطيـــه وتخطي عاداتك وتقاليدك .. بس لا تتخطي دينكــ .. ومايمليه عليك ضميــركـ





هذا والسلام عليكم ..





.